๐ญ๐ฎ๐๐ต ๐๐๐ฎ๐ ๐๐ฒ๐๐๐ถ๐๐ฎ๐น ๐ก๐ฎ๐น๐๐ธ๐๐ฎ๐ป; ๐ง๐๐ฏ๐ฎ๐ผ ๐๐ฎ๐บ๐ฝ๐ฒ๐ผ๐ป ๐ถ๐๐ถ ๐๐ฎ๐ป๐ป๐๐ฎ๐ฟ๐บ๐ถ ๐๐ฎ๐ป๐ฐ๐ฒ ๐๐ผ๐บ๐ฝ๐ฒ๐๐ถ๐๐ถ๐ผ๐ป
By: John Elysar C. Martin, PIO | Photos By: PIO ken LUPTO | Date: August 30, 2022
Naragsak a rinambakan dagiti nadumaduma nga ili ditoy La Union ti panaglukat ti maika-12 nga Ayat Festival a napasamak iti Provincial Disaster Risk Reduction Management Office Training Hall idi Agosto 30 ditoy Siudad ti San Fernando babaen iti pannakaigannuat ti Inter-LGU Bannuarmi Dance Competition kas maysa kadagiti aktibidad iti nadakamat a selebrasion a nakipasetan iti 16 nga ili.
Imparang ditoy dagiti nakisalip dagiti ipagpannakkelda a kultura ken tradision iti bukodda nga ili.
Nagun-od ti munisipalidad ti Tubao ti umuna a puesto iti nadakamat a pasalip;
Sinaruno daytoy iti ili ti San Juan a nakagun-od iti maikadua a puesto; napagasatan met iti maikatlo a puesto ti ili ti Bangar ken maikapat met a puesto ti ili iti Sudipen bayat a saan met a nagpaudi ti ili ti Caba nga adda iti maikalima a puesto.
Malaksid iti dayta, naangay pay ti 'Wreath Laying Ceremony' babaen ti panangidaulo ti La Union Provincial Tourism Office ken ni local historian Dr. Adriel Obar Meimban tapno lagipen ti biag ken ti napateg a kontribusion ti maysa kadagiti bannuar ken nalatak iti sangalubongan a mannurat iti Nagrebcan, Bauang, Manuel E. Arguilla.
Iti mensahe ni Gov. Raphaelle Veronica "Rafy" Ortega-David inallukoyna dagiti umili iti pannakipag-PROBINSYAnihan dagitoy babaen ti panangipateg iti bukod a lengguahe ken iti panagayat iti bukod nga ili.
"Bilang inyong gobernador na may malasakit at pagmamahal sa ating bayan, love na love ko ang pagsusulong ng mga ganitong aktibidad na nakapaloob sa aking P.U.S.O. Agenda dahil kaisa ninyo ako sa pagpapaunlad at pagtataguyod ng ating mayamang kultura, tradisyon at wika sa ating lalawigan at sa ating bansa," kinuna ti gobernador.
Tampok iti daytoy a selebrasion dagiti nadumaduma nga aktibidad a pakairamanan ti Ayat Song Writing Competition, Saririt La Union History Quiz ken ti Kampeon ti Lengguahe.
Ti Ayat Festival ket tinawen a maramrambakan ditoy probinsia, kagiddan ti selebrasion ti Buwan ng Wikang Pambansa ken National History Month nga addaan iti panggep nga ipreserba ti kultura, tradision ken papigsaen ti pannakaaramat ti lengguahe nga iloko kas sagudayen ti Local Language Code of La Union wenno nalatlatak iti awag nga Iloko Code.
Related Photos:
