๐ฆ๐ฎ๐ป ๐๐๐ฎ๐ป, ๐ก๐ฎ๐ถ๐๐ฎ๐ป๐ด๐๐ฎ๐ป๐ด๐ฎ๐๐ฎ๐ป, ๐ฃ๐ถ๐ป๐ฎ๐๐ถ๐ฏ๐ฎ๐ ๐๐ฎ ๐ฝ๐ฎ๐ป๐๐ป๐๐บ๐ฝ๐ฎ ๐ป๐ด ๐บ๐ด๐ฎ ๐๐ผ๐ธ๐ฎ๐น ๐ป๐ฎ ๐ข๐ฝ๐ถ๐๐๐ฎ๐น
By: Geraldine B. Salazar-Lucero, PIO | Photos By: Provincial Information Office | Date: June 28, 2022
Pormal nang nanumpa sa tungkulin ang mga bagong halal na opisyales ng bayan ng San Juan, La Union noong ika-28 ng Hunyo 2022. Ginanap ang nasabing panunumpa sa San Juan Gymnasium na sinaksihan ng ilang Provincial Officials, San Juan municipal officers, at mga kaprobinsiaan.
Pinangunahan ni La Union Governor Francisco Emmanuel โPacoyโ R. Ortega III ang panunumpa sa tungulin ng mga opisyales kabilang sina Arturo P. Valdez bilang Alkalde at Manuel Victor R. Ortega, Jr. bilang Bise Alkalde. Kasabay ring nanumpa ang bilang mga konsehal sina Mariquita Ortega, Athena Nang, Arnel Peralta, Louie Fontanilla, Milano Magsaysay, Dionisio Velasco, Eusebio Lim III at Norma Lim.
Nasa nasabing pagtitipon din sina incoming Governor Raphaelle Veronica โRafyโ Ortega-David at First District Congressman-elect Paolo Ortega.
Kinuha ni Gov. Pacoy ang pagkakataon upang pasalamatan ang bayan ng San Juan sa pakiki-isa sa kanyang mga adhikain sa ilalim ng kanyang termino. Dagdag pa niya, ang #StrongerLaUnion ay nagging posible dahil sa ipinakitang tiwala ng kaprobinsiaan sakanya sa loob ng anim na taon.
Samantala, sa kanyang talumpati, binati ni Incoming Governor Rafy ang mga opisyales at hiniling ang buong suporta at tiwala ng San Juan sakanya, tulad ng kanilang ipinakita kay Gov. Pacoy.
Sa panunumpa ng tungkulin ng mga opisyales ng San Juan, umaasa ang pamahalaang Panlalawigan ng La Union na patuloy na makikiisa ang bawat kaprobinsiaan patungo sa #StrongerLaUnion kung saan ang lahat ay magkakasamaโt nagkakaisa.
