Protektahan ang Kaprobinsiaan; PGLU Frontliners Nabakunahan
By: Camille R. Bumatay, PIO | Photos By: Sonny Buenaventura, PIO | Date: March 31, 2021
Upang tuloy tuloy ang pagprotekta sa mga kaprobinsiaan kontra CoViD-19, binakuhan ang 73 na frontline workers mula sa Provincial Health Office at Provincial Disaster Risk Reduction and Management Office mula Marso 24 hanggang 25, 2021 sa Provincial Capitol, Siyudad ng San Fernando, La Union.
"Bagamat natanggap namin ang first dose ng CoViD-19 vaccine, mananatili kaming maingat sa field work. Nagpapasalamat kami sa proteksyon na ibinigay para sa amin," sabi ni Rafael Lim, isa sa mga nakatanggap ng bakuna.
Patuloy parin ang pagbabakuna sa mga nasa priority group 1-A sa La Union. Ayon sa tala noong Marso 28, 2021, mayroong 4,936 na frontliners na ang nabakunahan.
Ang inyong Pamahalaang Panlalawigan, kasama ang mga Pamahalaang Lokal at iba't ibang ahensya ay patuloy na nagpapatupad ng mga health measures upang makontrol ang mga kaso ng CoViD-19 sa probinsya.
Bawat isa ay may magagawa upang mapababa ang kaso ng CoViD-19 sa probinsya. Manatili sa tahanan at sundin ang minimum health standards sa lahat ng pagkakataon. Be #WithUs and we will win this fight.
