Panagbayad iti Buis Napapartak Babaen iti Link.Biz Portal
By: Camille R. Bumatay, PIO | Photos By: PIO | Date: October 7, 2021
Ti agtultuloy a panangisayangkat iti Probinsial a Gobierno iti La Union (PGLU), nga idadauluan ni Gob. Francisco Emmanuel “Pacoy” R. Ortega III, kadagiti programa a mangpalaka ken mangpapas-pas iti serbisio para kadagiti kaprobinsiaan, maus-usaren ita iti Link.Biz Portal, ti alternatibo a pagbayadan iti buis babaen iti electronic payment.
Ditoy La Union, ti online payment system ket mabalin a pagbayadan iti provincial taxes kas iti Sand and Gravel Tax, Annual Fixed Tax, Franchise Tax, Tax on Printing and Publication, Professional Tax, Amusement Tax, ken Transfer Tax.
Kangrunaan a makatulong daytoy Link.Biz Portal ita nga adda iti pandemia ta mabalinen a mabayadan dagiti nadakamat a buis babaen iti internet uray sadinno ken uray anya nga oras. Makatulong daytoy a maliklikan iti exposure iti tunggal maysa iti virus.
Babaen iti panangirugi iti Provincial Treasury Office, napirmaan iti Memorandum of Agreement iti PGLU ken Landbank of the Philippines para iti daytoy a programa idi Pebrero 4, 2021 ken nairugi met a mausar iti nakuna a pagbayadan idi Marso 23, 2021.
Imbingay met ni Ms. Ericka Diaz, maysa a Financial Advisor nga taga Sudipen, La Union iti kapadasanna iti e-payment system, “LBP’s Link.Biz online payment facility is very convenient and efficient. I am pleasantly surprised to learn that we have this facility for transactions with the Provincial Government of La Union. No need to travel na, safe pa.”
No adda iti mangayat nga agbayad iti buis ditoy probinsia ket kasapulan laeng nga agparehistro iti daytoy a link: http://eresibo.launion.gov.ph/register.php ken agbayad iti daytoy met a link https://www.lbp-eservices.com/egps/portal/Merchants.jsp. Mabalin a maidownload iti official receipt babaen iti registration link bayat iti 72 nga oras.
Agtultuloy a manamnama iti panangipateg ti PGLU iti teknolohiya a kas armas tapno mapadur-as pay iti probinsia ken marikna iti amin a kaprobinsiaan iti panagprogreso.
