Maika-45 Nga Tawen Ti Balaoan District Hospital Narambakan
[wp-svg-icons icon="user" wrap="span"] By: Liezlee Ann Espinueva, GPC-BLDH | [wp-svg-icons icon="calendar" wrap="span"] Date: May 11, 2018
Rinambakan ti Balaoan District Hospital (BLDH) ti maika-45 a tawen ti pannakaipasdekna idi April 23-27, 2018.
Adda naduma duma nga aktibidad a naangay para kadagiti tattao. Iti umuna nga aldaw adda libre a konsultasion ken libre nga agas para kadagiti pasiente ti Out Patient Department. Adaan 80 pasiente ti nakonsulta ken naikkan ti libre nga agas. Iti sumaruno nga aldaw, adda ti lektyur maipapan iti atake ti puso nga inatendaran dagiti Barangay Health Workers ti Balaoan karaman metten dagiti empleado ti ospital.
Adaa met naangay nga “Operation Kugit” a tinawen a maararamid tunggal anibersario ti BLDH. Adda 66 a babbarito a naipaayan iti libre a kugit. Walo ti tawen ti kaubingan ken 16 met ti kalakayan.
Ada pay iti naangay nga sportsfest para kadagiti empleado. Lima a grupo ti naglalaban para kadagiti naduma-duma nga ay-ayam kas kadang-kadang, sackrace ken dadduma pay.
Ada met ti zumba, fun-run ken cheerleading competition. Kalpasan dagiti aktibidad, naited ti premio kadagiti nangabak a grupo ken consolation prize dagiti naabak. Kalpasanna, nangipaay iti mensahe ti panagyaman ni Dr. Mark Anthony Tomboc, hepe ti ospital, iti panagleppas ti programa. Nagyaman ni Dr. Tomboc iti naballigi panakairingpas dagiti aktibidad ken iti naayat ken aktibo a pannakiraman dagiti amin nga empleado. Dinawatna ti manayon a panagkaykaysa ken panagtitinnulong ti tunggal maysa tapnu maipaay ti kasayaatan a serbisio kadagiti pasiente ti BLDH.
Tinawen a maramrambakan ti pannakaipasdek ti ospital ngem ita laeng nga a maselebraran iti makadominggo ken addaan aktibidad a pakipasetan dagiti amin nga empleado isu a maikanatad ti temana nga “Upholding Health, Promoting Unity and Camaraderie.”
[Fancy_Facebook_Comments]
