𝗟𝗔 𝗨𝗡𝗜𝗢𝗡 𝗜𝗦𝗨𝗦𝗨𝗟𝗢𝗡𝗚 𝗔𝗡𝗚 𝗨𝗡𝗜𝗙𝗜𝗘𝗗 𝗦𝗧𝗔𝗡𝗗𝗔𝗥𝗗 𝗙𝗜𝗥𝗦𝗧 𝗔𝗜𝗗, 𝗕𝗔𝗦𝗜𝗖 𝗟𝗜𝗙𝗘 𝗦𝗨𝗣𝗣𝗢𝗥𝗧 𝗣𝗔𝗥𝗔 𝗦𝗔 𝗛𝗘𝗔𝗟𝗧𝗛 𝗖𝗔𝗥𝗘 𝗣𝗥𝗢𝗩𝗜𝗗𝗘𝗥'𝗦 𝗡𝗘𝗧𝗪𝗢𝗥𝗞

By: Paulette Navarro, GPC-PDRRMO | Photos By: Sheheradaze Macusi of PHO | Date: May 06, 2022

---

Upang mas mapagtibay pa ang ugnayan ng bawat myembro ng Health Care Provider's Network sa lalawigan sa aspeto ng Training and Capacity Building, inilunsad ang isang Unified Meeting and Leveling-off of Basic Life Support/Standard First Aid Session na naganap sa Renaissance Hall ng Ilocos Training and Regional Medical Center (ITRMC), Parian, City of San Fernando, La Union nitong May 06, 2022.

Ang aktibidad ay dinaluhan ng mga kinatawan mula sa Provincial Government of La Union, partikular sa mga tanggapan ng Provincial Health Office at Provincial Disaster Risk Reduction and Management Office, kabilang ang La Union Medical Center at mga District Hospitals ng lalawigan. Ang nasabing pagpupulong ay pinangunahan ng ITRMC at ng Department of Health Center for Health-1.

Layunin ng nasabing pagpupulong ay ang pagkakaroon ng Harmonized Standard First Aid and Basic Life Support Training na ibinababa sa mga training recipients; matugunan ang demand sa bilang ng mga trainers sa bawat training requests mula sa mga LGUs, ospital at iba pang ahensya; mapalawig pa ang paghasa ng mga health care providers, at mga community first responders sa kasanayan ng First Aid at Basic Life Support at iba pang kasanayan tulad ng Health Emergency Response Operation; at Pagkaroon ng Harmonized Emergency Operation Centers sa prespektibong pangkalusugan.

Nilalayun din ng ang pagkakaroon ng mga Memorandum of Understanding ukol sa nasabing adhikain upang mas mapagtibay pa ang ugnayan ng bawat training providers sa lalawigan upang makamit ang Community Resilience ng mga Kaprobinsiaan.