๐๐ถ๐บ๐ถ๐๐ฒ๐ฑ ๐๐ฎ๐ฐ๐ฒ-๐ง๐ผ-๐๐ฎ๐ฐ๐ฒ ๐๐น๐ฎ๐๐๐ฒ๐ ๐ฃ๐ฎ๐ด๐๐ฎ๐ด๐๐ฎ๐ด๐ฎ๐ป๐ฎ๐ฎ๐ป ๐ถ๐๐ถ ๐๐ฎ ๐จ๐ป๐ถ๐ผ๐ป ๐๐ฎ๐ฏ๐ฎ๐ฒ๐ป ๐ถ๐๐ถ ๐ฃ๐ฎ๐ป๐ฎ๐ด๐ฏ๐ฎ๐ธ๐๐ป๐ฎ ๐๐ฎ๐ฏ๐ฎ๐ป ๐๐ผ๐ฉ๐ถ๐-๐ญ๐ต
By: Camille R. Bumatay, PIO and Renerose Beninsig, PHO | Photos By: DMMMSU | Date: October 21, 2021
Kas panagsagana iti umadanin a panaglukat iti limited face-to-face classes ditoy Probinsia iti La Union, inaprubaran ni Gov. Francisco Emmanuel โPacoyโ R. Ortega III iti panangisayangkat ti panagbakuna kadagiti naduma-duma nga unibersidad ditoy probinsia. Idi Oktubre 21, 2021 ket addan iti suma total a 752 doses a naitudok a CoViD-19 Vaccines.
Nagserbi ti Don Mariano Marcos Memorial State University (DMMMSU) Mid ken South La Union campuses kas dua a vaccination sites para kadagiti estudiante, manursuro ken staff dagiti lima a tertiary schools ti probinsia a pakaibilangan iti DMMMSU; Polytechnic College of La Union; Philippine College of Northwestern Luzon; Southern Ilocos College of Arts and Technology; ken La Union College of Science and Technology. Iti Provincial Government of La Union Vaccination team iti nang-administer iti bakuna.
Iti mensahe ni Gov. Pacoy, impaayna ti naimpusoan a panagyamanna kadagiti amin a sektor nga agtitinnulong a mabakuna dagiti kaprobinsiaan. Ken innayonna, โWith this, we are once again taking another milestone in the global effort to end the pandemic as we venture on the vaccination in the academe most especially to the students. This day marks another step to ramp up our vaccination efforts with our end goal to reach herd immunity.โ
Iti tulong iti Department of Health ken Commission of Higher Education Region I, maysa iti La Union kadagiti probinsia a kaunaan a nagbakuna kadagiti estudiante para iti umasideg a panaglukat iti face-to-face classes.
Daytoy a ganwat ket mangipaay namnama kadagiti kaprobinsiaan a no agtultuloy iti panagkaykaysa ket maragpattayo iti herd immunity. As of October 22, 2021, addan iti 40.22% ti nabakunaan iti probinsia ket maallukoy pay iti dadduma nga agparegister iti www.vaccine.launion.gov.ph
