PGLU Joins National Flag Days Celebration
By: Joy Ann L. Gurtiza, GPC-LUPTO | Photos By: Sonny Buenaventura, PIO | Date: May 28, 2021
Kas panangipakita iti pannakikaysa iti Provincial Government of La Union iti nailian a selebrasion iti Aldaw ti Bandera ti Pilipinas (National Flag Day), naiwagayway iti Provincial Capitol dagiti bandera ti Pilipinas mangrugi ita nga aldaw Mayo 28, 2021 aginggana inton Hunio 12, 2021.
Inbatad ti Executive Order 79-1994 ti panagiwagayway ti bandera ti Pilipinas manipud Mayo 28 inggana Hunio 12 kada tawen iti amin nga opisina, ahensia ti gobierno, negosio, pagadalan ken balbalay. Daytoy ket tapno maipalagip iti maysa ken maysa a ti bandera ti Pilipinas ket mangipakita ti panagkaykaysa ti umili ken panagayat iti pagilian.
Daytoy dua domingo a pannakai sab-it dagiti bandera patalgedanna dagiti sakripisio dagiti bannuar iti pagilian tapno maragpattayo iti wayawaya. Daytoy a ganwat ket mangipaay pay iti respeto ken panangipateg iti simbolo iti wayawaya ken panagkaykaysatayo nga umili ti Pilipinas.
