La Union, Alebtak Kontra Swine Flu

Date: December 20, 2019


Kalpasan a kinumpirma ti Department of Agriculture (DA) a dagiti baboy a natay sadiay Rizal ken Bulacan ket positibo iti African Swine Fever (ASF), ingkangrunaan ti Probinsial a Gobierno ti La Union iti panangidadaulo ni Gob. Francisco Emmanuel “Pacoy” R. Ortega III a siguradwen a haan nga apektado iti La Union.

Nasken a naiyulog ti Executive Order (EO) No. 23, Series of 2019 a temporario a mangipagel iti panangiserrek ditoy La Union ti nabiag a baboy, kapparti ken frozen a karne ti baboy, ken produkto a naggapu ti baboy manipud kadagiti probinsia nga apektado ti ASF a kas kinumpirma ti DA.

Babaen ti nakuna nga EO, dinutukan ni Gob. Pacoy iti Provincial Veterinarian Quarantine Officers, City Veterinary Office, Municipal Agriculture Offices ken Provincial/City/Municipal Philippine National Police a mangipatungpal iti nakuna nga EO.

Nangiganwat ti lektiur maipapan ti ASF ken Avian Influenza iti Office of the Provincial Veterinarian (OPVet) tapno nasaysayaat a maipaawat iti ASF kadagiti tattao.

Iti Sangguniang Panlalawigan Committee on Agriculture and Aquatic Resources ket nagpaayab met iti Committee Hearing seknan iti isyu. Kinumpirma ni Provincial Veterinarian Dr. Nida Gapuz a ti La Union ket ASF-free. Inlanadna pay iti naduma-duma nga aktibidades nga araramiden ti OPVet tapno maliklikan ti panagserrek ti virus iti probinsia.

Amin dagitoy araramiden ni Gob. Pacoy tapno masigurado iti kinatalged dagiti umili ti La Union.

Recent Posts