ππππππ‘ π§π πππππ₯ππ§π’ π‘π ππ’π. π₯πππ¬, π¨π π¨π‘π π π¦ππ₯π¬π π§π π£ππ‘ππππππ π§π πππ’ππ’, π‘πππ₯π¨π¦ππ§
By: Joy Ann L. Gurtiza, GPC-LUPTO | Photos By: Tonet Gaerlan, LUPTO | Date: October 4, 2022
Tapno mapabileg ken maitandudo ti Iloko a pagsasao dagiti Kaprobinsiaan, niluktan ti Gobierno Probinsial iti La Union (PGLU) nga idadauluan ni Gobernador Raphaelle Veronica βRafyβ Ortega-David babaen ti La Union Provincial Tourism Office β Culture and the Arts Unit, ti BULNOG: Iloko Learning Series wenno Serye ti Panagadal iti Iloko a napasamak iti Don Mariano Marcos Memorial State University (DMMMSU) β Mid La Union Campus (MLUC) Main Library idi Oktubre 4, 2022 ditoy Siudad ti San Fernando, La Union.
Nabirngasan iti βBULNOGβ a kayatna a sawen ket βKINAEKSELENTE,β nakitinnulong iti daytoy a panagsanay ti DMMMSUβMLUC a nangidiaya iti venue ken ti Gunglo Dagiti Mannurat nga Ilokano ti La Union (GUMIL La Union-San Fernando City) a naggapuan met dagiti aglektiur.
Ti immuna a serye ti ababa a kurso, ket indauluan ni Djuna R. Alcantara, presidente ti lokal a GUMIL, kas naglektiur maipapan ti βIloko Code of La Unionβ ken ti maaramat nga opisial nga ortograpia ti KWF idi Oktubre 4, 2022. Simmaruno met ni Dr. Edilberto H. Angco, dati a presidente ti GUMIL β Ilocos Sur, a naglektiur iti βPanagsurat iti Damagβ kadagiti nadumaduma a plataporma ken ti "Arte ti Panagipatarus" iti Iloko, idi Oktubre 5, 2022.
Bayat iti panagsanay, nangted ti mensahe ni Provincial Tourism Officer Arthur S. Cortez, Jr. kadagiti partisipante a mangibagbaga kadagitoy maipapan ti panangipateg iti bukod a lengguahe ken ti panagayat iti bukod nga ili.
"Iti nagan ti PGLU nga idadauluan ni Gob. Rafy, idanonmi ti naimpusoan a panagyamanmi kadakayo amin iti daytoy a wayat ken sapay koma ta agtultuloy ti panangsuportayo iti amin nga aktibidad ti PGLU ket ad-adu pay ti makipartisipar inton sumarsaruno a serye tapno maitandudo ken maisaknap ti Iloko a pagsasaotayo," kinuna iti Provincial Tourism Officer.
Iti maikadua nga aldaw, nangipaay met ti mensahe ni Dr. Adriel O. Meimban, lokal a historiador ken autor iti libro, βLa Union: The Making of a Province, 1850-1921,β ket kinablaawanna dagiti amin a partisipante ti panagturposda iti nasao nga ababa a kurso.
Dua pay a sesion ti lloko Creative Writing ti maisayangkatto iti Main Library iti DMMMSU β MLUC, manipud alas otso iti bigat (8:00 AM) agingga iti alas singko iti malem (5:00 PM) a kas naiprograma: Oktubre 11, 2022: βPanagsurat iti Salaysayβ a kas aramaten dagiti LGUs para kadagiti kultura ken turismo a programa, Neyo E. Valdez; ken Oktubre 12, 2022: βTi Panagsangal iti Daniwβ a kas literary tool iti idudur-as ti kultura, arte ken lengguahe iti La Union, Prof. Junley Lorenzana Lazaga.
Babaen iti tulong iti #LaUnionPROBINSYAnihan, iti daytoy a programa ti PGLU ket mangipapaay iti libre a panagadal iti lengguahe ken panagsurat kas maysa kadagiti nayon nga addang iti sapasap a pannakaimplementar ti Provincial Ordinance 026-2012, ti Language Code of La Union wenno ti nalatlatak nga awagna nga Iloko Code.
Related Photos:
