๐ฃ๐๐๐จ ๐ก๐ฎ๐ธ๐ฎ๐๐ฎ๐ด๐ฎ๐ป๐ฎ ๐ถ๐๐ถ ๐๐ฎ๐น๐ฎ๐บ๐ถ๐ฑ๐ฎ๐ฑ; ๐๐ถ๐ป๐ฎ๐๐ฎ๐น๐ด๐ฒ๐ฑ ๐ก๐ฎ๐๐๐ฝ๐ผ๐ฟ๐๐ฎ๐ฟ๐ฎ๐ป ๐ถ๐๐ถ ๐๐ฎ๐ฎ๐ฑ๐ฑ๐ฎ ๐ถ๐๐ถ ๐ฆ๐ฎ๐ณ๐ฒ๐๐ ๐ข๐ณ๐ณ๐ถ๐ฐ๐ฒ๐ฟ๐ ๐ถ๐๐ถ ๐ง๐๐ป๐ด๐ด๐ฎ๐น ๐ข๐ฝ๐ถ๐๐ถ๐ป๐ฎ
By: Camille R. Bumatay, PIO | Photos By: Jefferson Lorenzo, Edmar Bacani, Shairalene Guerrero, and Mark Anthony Artienda, PIO | Date: April 28, 2022
Katulungan iti 36 a trained safety officers iti naduma-duma nga opisina iti Provincial Government of La Union (PGLU), naballigi a naiganwat iti Earthquake Drill sadiay Provincial Capitol, Siudad iti San Fernando, La Union ita nga aldaw, Abril 28, 2022. Babaen iti naaramid nga evaluation, mangipasimudaag a pudno a sisasagana iti PGLU no adda iti mapasamak a didigra.
Tartarigagayan iti daytoy nga aktibidad a maipalagip kadagiti opisyales ken empleyado iti Provincial Government a nasken nga agtalinaed a kalmado no adda iti kalamidad kas iti ginggined tapno makaaramid iti nasimbeng a desisyon ken aksyon.
Addaan iti agarup 500 nga empleyado iti nagpartisipar iti nadakamat a drill. Malaksid iti regular a duck, cover and hold ken panagturong iti open area a kasapulan nga aramiden no adda iti ginggined, nangiganwat pay iti PGLU iti Simulation Exercise nga indauluan iti Provincial Disaster Risk Reduction and Management Office, Provincial Health Office ken dagiti trained Safety Officers iti tunggal opisina. Iti kinaadda iti PGLU Response Group ket singasing a naggapu iti Office of the Civil Defense (OCD).
Paset iti simulation exercise ket iti panangaramid iti โhailingโ tapno maala dagiti natrap iti uneg iti establisimiento; โshoringโ tapno masuportaran wenno maingato dagiti agtinnag a debris ken dagiti saan a natibker nga istruktura; kasta met iti panagresponde kadagiti biktima a nadangran. Maysa pay a naaramat ket iti basic fire fighting no inkaso nga adda man iti uram a mapasamak bayat iti kaadda iti ginggined.
Nagserbi met nga evaluators dagiti representatives a naggapu iti OCD, Philippine National Police, Philippine Red Cross, Bureau of Fire Protection ken Department of Health ket kas iti validationda, napaneknekan a pudno a sisasagana iti kapitolio kadagiti didigra gapu ta amin a minimum requirements para iti earthquake drill ket napagsaganaan.
Karaman kadagiti nadakamat a nasayaat a naaramidan iti earthquake drill iti kaadda iti naitakder a medical stations, Incident Command Post ken natalged a komunikasion; addaan iti confident medical emergency responders nangnangruna iti epektibo a command leader; kaadda iti Basic Emergency Equipment ken iti nalaing a panagusar kadagitoy; kasta met iti naurnos a patient endorsement ken adu a medical transport.
Kabayatanna, nangipaay met dagiti evaluators iti wagas a mabalin pay a mangpatalged iti panangiganwat iti sumarsaruno a drill a pakaibilangan iti mas aktibo a partisipasion dagiti empleyado; panangiddep iti central circuit breaker; panagusar iti back board no ag-Cardiopulmonary Resuscitation; panag-report iti incident commander sakbay nga agturong dagiti recuers iti site; re-evaluation iti PGLU evacuation sites; ken ti inter-agency emergency participation kadagitoy a drill.
Ipangpangruna iti PGLU iti kinatalged dagiti residente iti probinsia kasta met iti pannakaallukoy iti tunggal maysa nga agtalinaed nga #AlertoKaprobinsiaan.
