𝗣𝗚𝗟𝗨 𝗡𝗔𝗡𝗚𝗜𝗗𝗔𝗨𝗟𝗢 𝗜𝗧𝗜 𝗥𝗢𝗔𝗗 𝗖𝗟𝗘𝗔𝗥𝗜𝗡𝗚 𝗢𝗣𝗘𝗥𝗔𝗧𝗜𝗢𝗡, 𝗞𝗔𝗟𝗦𝗔𝗗𝗔 𝗡𝗔𝗧𝗔𝗟𝗚𝗘𝗗𝗘𝗡 𝗔 𝗣𝗔𝗚𝗡𝗔𝗔𝗡

By: John Elysar Martin, PIO ken Engr. Emille Martinez, GPC-PEO | Photos By: PIO, PEO | Date: January 30, 2022

---

Impasigurado iti Provincial Government of La Union babaen iti panangidaulo ni Gov. Pacoy Ortega ti kinatalged dagiti dumaldalan a motorista ken residente kalpasan iti napasamak a panagreggaay ken mudslide iti daga tattay bigat, Enero 30, idiay Brgy. Biday, siyudad iti San Fernando, La Union gapu iti napasaran a napigsa a panagtudtudo a gubuay iti makunkuna a Frontal System gappu iti panagsabat iti nabara ken nalammiis nga angin.

Dagus a nangipaay iti tulong ti PGLU, babaen iti manpower aggapu iti Provincial Engineer's Office (PEO) kasta met dagiti machineries kas iti water truck, wheel loader, ken dump truck tapno naan-anay a maikkat iti pitak iti paset ti diversion road a naapektaran ti mudslide. Kadwa iti PEO dagiti Barangay officials ken dagiti volunteers a nanglinis iti kalsada.

Agtultuloy met ti panagrikos ken panag-monitor iti PGLU ditoy Probinsia tapno marespondean dagiti residente a naapektaran ti panagtudtudo. Inpanamnama iti PGLU kadagiti Kaprobinsiaan iti napaspas nga aksyon kadagiti pakaseknan dagiti residente ditoy Probinsia nangruna no adda dagiti kalamidad.

Mapalpalagipan iti amin nga agannad ken agtalinaed a natalged. Mabalin laeng a tumawag iti La Union Rescue 911 o sa La Union rescue mobile 0998-961-1519/ (072) 607-8723/911.