PANNAKAPUTED DAGITI SANGA ITI KAYO DITOY PROBINSIA, NAIPATUNGPAL; #ALERTOKAPROBINSIAAN, NAPAPIGSA
By: John Elysar C. Martin, PIO | Photos By: Provincial Information Office | Date: April 27, 2023
Kas paset iti panagsagana para iti tyempo iti panagtutudo ken panagbabagyo, inpatungpal ti Kalsada Group ti pannakaputed dagiti sanga iti kayo a makasali kadagiti kangrunaan a kalsada ditoy probinsia itatta nga aldaw, Abril 27, 2023.
Indauluan daytoy ni Sangguniang Panlalawigan Committee on Public Works and Utilities Chairperson Board Member Maria Annabelle S. De Guzman kenni Sangguniang Panlalawigan Committee on Ways and Means Chairperson Board Member Victor I. Rivera kadwa dagiti mangibagbagi iti Department of Public Works and Highways, La Union Electric Company, Inc., Philippine National Police, Highway Patrol Group, City Government of San Fernando, Local Government Unit of Bauang, Department of Interior and Local Government, Department of Environment and Natural Resources-Provincial Environment and Natural Resources Office, Provincial Government-Environment and Natural Resources Office, Provincial Engineering Office, Provincial Treasurer's Office, Provincial Legal Office ken dagiti Telecommunications Company.
Ti nadakamat a ganuat ket maiyannurot iti Sangguniang Panlalawigan Resolution Nos. 362-2003 ken 160-2011 nga addaan iti panggep a puteden dagiti atiddog a sanga iti kayo tapno maliklikan ti aniaman a peggad a mabalin daytoy nga itunda para kadagiti dumaldalyasat a motorista tunggal panagtutudo ken panagbabagyo.
Babaen iti agkaykaysa a #LaUnionPROBINSYAnihan, kangrunaan a prayoridad iti Provincial Government of La Union babaen iti panangidaulo ni Gob. Raphaelle Veronica "Rafy" Ortega-David ket ti kinatalged ken kinasagana dagiti Kaprobinsiaan tunggal adda dagiti kalamidad.
Tapno mapagtalinaed iti #AlertoKaprobinsiaan, manamnama iti agtultuloy a pannakaipatungpal ti nadakamat nga aktibidad kadagiti sumarsaruno pay nga aldaw.
Related Photos:
