PGLU #AyatFest2023 Flag Raising Ceremony
By: Provincial Information Office | Photos By: Provincial Information Office | Date: March 2, 2023
Nag uumapaw na pagmamahal para sa probinsya at sa bawat kaprobinsiaan ang bumalot sa buong kapitolyo ng La Union sa isinagawang #AyatFest2023 Flag Raising Ceremony bilang bahagi ng selebrasyon ng ika-173rd na Anibersaryo ng probinya umaga ng Marso 2, 2022.
Buong pagmamalaking pinangunahan ni Gov. Raphaelle Veronica “Rafy” Ortega-David ang nasabing aktibidad kasama ang mga iba pang opisyales ng probinsya na sina Vice Governor Mario Eduardo C. Ortega at mga miyembro ng Sangguniang Panlalawigan. Nakiisa rin dito si La Union First District Representative Framcisco Paolo Ortega V, ganun din ang mga Provincial Government of La Union Department Heads.
Nagkaroon ng Parade of Colors at sabay-sabay na itinaas ang mga official seal banners ng La Union at ng 20 na bayan nito.
Nakiisa din sa nasabing pagtitipon ang mga konsehal ng iba't ibang bayan. Ipinakita nila ang suporta sa tawag ng #LaUnionPROBINSYAnihan sa pamamagitan ng pagbuo ng puzzled La Union Seal - simbolo ng pagkakaisa ng lahat ng mga bayan para sa pagkamit ng mas maunlad na probinsya.
Sumentro naman ang mensahe ni Gov. Rafy sa #LaUnionPROBINSYAnihan at kung paano ito makakatulong sa pagkamit ng mga pangarap ng bawat isa at upang magkaroon ng mas progresibong probinsya.
"By God’s grace and blessing, we shall help our people achieve their dreams and aspirations because we work for the very same people with whom we share our lives...we are one La Union...the land created by the consensus for peace and love; concord and amity...because our forebears saw the wisdom that it is only in unity that they would foster an environment where progress and development can abide for themselves and for us, the inheritors of this blessed land."
Sa pagdiriwang ng ika-173rd na anibersaryo ng La Union, nawa'y manating matatag at nag aalab ang #ayat para sa probinsya at sa bawat kaprobinsiaan.
Related Photos:
