๐๐ฎ๐ฟ๐ฏ๐ฒ๐ป๐ด๐ฎ๐ป ๐ธ๐ฒ๐ป ๐๐ถ๐ป๐ฎ๐๐ฎ๐ป-๐ผ๐ธ ๐ฑ๐ฎ๐ด๐ถ๐๐ถ ๐๐ฃ ๐ฑ๐ถ๐๐ผ๐ ๐๐ฎ ๐จ๐ป๐ถ๐ผ๐ป, ๐ป๐ฎ๐ฏ๐ถ๐ด๐ฏ๐ถ๐ด ๐ถ๐๐ถ ๐๐ฎ๐น๐น๐ฎ๐๐ด๐ถ ๐ฎ๐ฌ๐ฎ๐ฎ
By: John Elysar Martin, PIO | Photos By: Jap Pulido, PIO | Date: November 29, 2022
Binigbig iti Provincial Government of La Union ti karbengan ken kinatan-ok dagiti Indigenous People (IP) ditoy probinsia babaen iti pannakaiganuat iti Ballaygi: PGLU Livelihood Caravan 2022 idiay Kudal Peopleโs Park, Brgy. Tagudtud, Bagulin, La Union idi Nobiembre 29, 2022.
Dinar-ayan daytoy iti aganay 100 nga IP manipud iti ili iti Bagulin, Burgos ken Sudipen.
Indauluan ni Gob. Raphaelle Veronica โRafyโ Ortega-David kenni Board Member Victor Rivera iti programa ken ti ceremonial turn-over iti baboy kadagiti benepisaryo.
Iti nagbalin a mensahe iti gobernadora, impasigurado daytoy ti agtultuloy a suportana kadagiti IP Communities ditoy La Union.
โKadwayo ti PGLU iti intayo agtultuloy a panangprotekta iti tradisiontayo tapno intayo papigsaen ti pakabigbigantayo iti bukodtayo a komunidad. Bilang selebrasyon po sa naturang kultura at tradisyon ng mga Kaprobinsiaan nating IP, handog po ng PGLU ang tulong at suporta sa sektor sa pamamagitan ng ating livelihood caravan.โ
Babaen iti suporta iti La Union Provincial Tourism Office-Culture and Arts Unit, nabukel ti nadakamat a programa tapno mangipaay iti kanayonan a pagsapolan dagiti IP Communities ken bigbigen ti napateg a kontribusion dagitoy iti agtultuloy a panagrang-ay iti probinsya.
Nangisagut met iti cultural dance presentation ti Pila IP Dancers ken ti Tagudtud Youth Organization kas panangiparangda iti naisangsangayan a talentoda ken ti nabatnang a kulturada.
Tapno nasayaat ti pannakataraken dagiti dingwen a naipaay kadakuada, nangipaay iti lecture maipapan iti livestock management dagiti kameng iti Office of the Provincial Veterinarian.
Babaen iti agkaykaysa a #LaUnionPROBINSYAnihan ken ti inklusibo a liderato ni Gob. Rafy, agtultuloy ti panangipanamnama iti PGLU iti naimpusoan a serbisio ken oportunidad kadagiti IP ditoy Probinsia tapno naan-anay a mapatibker ti karbenganda ken pakabigbiganda kas maysa kadagiti tulbek iti panangragpat iti La Union nga agbalin a Heart of Agri-Tourism in Northern Luzon by 2025.
Related Photos:
