280 Senior Citizens, Nakiindak sa Zumba Showdown
By: PGLU-PSWDO | Photos By: PGLU-PSWDO | Date: August 26, 2026
Indayog at indak ng pagkakaisa ang ipinamalas ng 280 senior citizens sa isang Zumba Showdown nitong August 20, 2026 sa Bacnotan Farmers Civic Center. Ito ang highlight ng “Galaw na May Sigla, Buhay na May Saya: Provincial Senior Citizens Zumba Competition 2026” bilang bahagi ng taunang Senior Citizens Mini-Olympics ng Provincial Government of La Union sa pangunguna ng Provincial Social Welfare and Development Office (PSWDO).
Kasabay nito ang pagdiriwang ng National Senior Citizens Day na layuning hubugin ang talento, pisikal na kalusugan, social relationship, at community participation ng mga senior citizen. Ang programa ay pinangunahan ni PSWD Officer Ranilo P. Ipac na nagpaabot ng mensahe ng pagsuporta. Kasama rin dito ang Municipal/City Social Welfare Officers, Federation of Senior Citizens Association of La Union, at Office for Senior Citizens Affairs Heads.
Itinanghal na Champion ang D’ Dancing Senioritas of Naguilian na sinundan ng Siglat Fernandas mula sa City of San Fernando bilang 2nd runner up, Asenso Pugo Zumba Dancers bilang 3rd runner up, Daing Queens of Sto. Tomas bilang 4th runner up, at The Amazing Golden Agers Zumba of Rosario bilang 5th runner up.
Dumalo sa selebrasyon sina Bacnotan Mayor Divina C. Fontanilla, Bacnotan Sangguniang Bayan Member Jane Alminiana Gonzales, Bauang Mayor Ma. Clarissa “Manang Bong” T. Lee, Bauang Vice Mayor Tanya Roberta De Guzman, at Executive Assistant to the Governor Denver Badua bilang pagpapatunay sa diwa ng La Union Agkaysa.
Related Photos:
