Read/Post Comment: 0 Posted by Administrator /  16.06.2017
Supreme Hotel, Siudad ti Baguio – Inkari dagiti kameng iti Liga ng mga Barangay-La Union Chapter iti 100% a suportada para iti sirmata iti Probinsial a Gobierno ti La Union (PGLU) a “La Union, the heart of Agri-tourism in La Union by 2025” idi umuna nga aldaw iti maika-10 a Liga ng mga Barangay Congress a naisayangkat idi Hunio 4-7, 2017.

Inpalawag ni Gobernador Francisco Emmanuel “Pacoy” R. Ortega III nga babaen iti konsultasionna kadagiti Mayor ken agduduma a lider iti probinsia agraman kadagiti opisial iti PGLU, napagnunumoanda nga agrikultura ken turismo iti kadakkelan iti potensialda maipapan iti panagdur-as iti La Union. Inpakaammona pay a datoy ti puon ken gapu nga iti Agri-tourism iti sentro ti Transformative Governance iti administrasiona. Ket manamnama pay a saan laeng datoy a mangparag-o iti turismo ken agrikultura nu di ketdi pay mangparang-ay iti biag dagiti taga La Union aglalo kadagiti mannalon ken mangngalap.

Inyunay-unay na a kas frontliners ti serbisio publiko, dakkel iti maitulong dagiti opisial iti barangay tapnu magun-od iti probinsia dagiti agduduma a proyeko, programa ken aktibidad iti gobierno. Inpalawagna nga anyaman a gannuat iti gobierno ket saan nga agbaligi nu awanan iti suporta iti barangay.


Share This:   Facebook MySpace Digg Delicious Reddit Twitter StumbleUpon


Tags: 
printer friendly create pdf of this news item